5 noyabr 2025-ci il tarixində Azərbaycan Respublikasının Prezidenti İlham Əliyev Azərbaycan elminin inkişafında xidmətləri olan bir sıra şəxslərin təltif edilməsi haqqında Sərəncam imzalayıb. Sərəncama əsasən, Azərbaycan elminin inkişafında xidmətlərinə görə 5 nəfər “Azərbaycan Respublikası Prezidentinin fəxri diplomu”, 4 nəfər “Şöhrət” ordeni, 14 nəfər 3-cü dərəcəli “Əmək” ordeni, 19 nəfər “Tərəqqi” medalı ilə təltif edilib. Azərbaycan elminin inkişafında xüsusi xidmətlərinə və uzunmüddətli səmərəli fəaliyyətinə görə üç nəfərə Azərbaycan Respublikası Prezidentinin fərdi təqaüdü verilib Bu münasibətilə dəyərli alimlərimizi təbrik edir, onlara yeni yaradıcılıq uğurları və Azərbaycan elminin inkişafı naminə daha böyük nailiyyətlərə imza atmağı arzulayırıq!