E. Həsənov. Balkanların dostluq körpüsü boyunca. Bakı, Azərnəşr, 2015.

Qərbi Balkan regionunun zəngin tarixindən, mədəniyyətindən, görkəmli şəxsiy yətlərindən, tarixi memarlıq abidələrindən, həmçinin müasir həyatından bəhs edən bu kitab heç də təsadüfən «Balkanların dostluq körpüsü boyunca» adlandırılmayıb. Keçmişə maraqlı bir ekskurs edən, bölgədə əsrlər uzunu baş vermiş hadisələri müasir dövrümüzədək ardıcıllıqla izləyən, öz maraqlı təhkiyəsi ilə oxucunu arxasınca çəkib aparan müəllif tarixin müxtəlif mərhələlərində ortaya çıxan ziddiyyətli məqamları, hadisələrin səbəb və nəticələrini dərindən araşdırmaqla, eyni zamanda, nadir gözəlliyə malik bir məkanın tam mənzərəsini açmaqla bölgədə yaşayan müxtəlif inanclı insanları bir-birinə və dünyaya bağlayan ən etibarlı bağları, bu xalqların adət-ənənələrindəki dəyərləri əsas götürür, sanki onları dünyaya qovuşduracaq körpünün yerini göstərir. Kitabda Qərbi Balkanın Avropanın vacib bir hissəsi kimi dünya məkanında sülhün, təhlükəsizliyin, iqtisadi inkişafın və rifahın təminatı üçün güclü potensiala və ehtiyatlara malik olması xüsusi vurğulanır. Müəllif həmçinin doğma vətəninin. Azərbaycanın Qərbi Balkan ölkələri ilə tarixi və müasir münasibətlərinə də toxunur.