. Türk Dövlətləri Təşkilatına Üzv Ölkələrin Tibb Bacısı Və Mamalıq Sahələri Üzrə I Beynəlxalq Elmi - Praktik Konfransı.Məruzələrin tezisləri və məqalələr toplusu. Bakı, , 2025.

Bu topluya Azərbaycan Respublikası Səhiyyə Nazirliyinin və 2 nömrəli Bakı Baza Tibb Kollecin birgə təşkilatçılığı ilə keçirilmiş "Türk Dövlətləri Təşkilatına üzv ölkələrin Tibb Bacısı və Mamalıq sahələri üzrə I Beynəlxalq Elmi-Praktik Konfransı"nda təqdim olunan məruzələrin tezisləri və məqalələr daxil edilmişdir. Toplunun əsas hissəsi tibb bacılarının və mamaların fəaliyyəti, ilkin səhiyyə xidmətlərinin təkmilləşdirilməsi, müasir tibbi xidmətlərin təşkili və klinik praktikada tətbiq olunan yeni metodlara həsr olunmuşdur. Tibb bacılarının və mamaların peşə hazırlığı və tədris prosesinin yenilənməsi ilə bağlı materiallara geniş yer verilmişdir. Tibb bacısı və mama təhsilində innovativ yanaşmalar, simulyasiya tədris metodları, praktik bacarıqların artırılması, kompetensiyaya əsaslanan tədris modelləri və təlim-tədrisdə əldə olunan yeni nailiyyətlər təqdim edilmişdir. Təqdim olunan elmi və metodik nəticələr tibb bacıları, mamalar, səhiyyə işçiləri və tibb təhsili ilə məşğul olan mütəxəssislər üçün elmi və praktik əhəmiyyət daşıyır.