. Hidrometeorologiyanın müasir nailiyyətləri və inkişaf istiqamətləri mövzusunda Respublika elmi konfransının materialları. Bakı, BDU Nəşr Evi, 2025.

Hidrometeorologiya elminin və təhsilin qarşısında duran aktual məsa lələrə, iqlim dəyişmələrindən başqə Xəzər dənizinin müasir problemləri suyun səviyyəsinin azalması və bununla əlaqədar olaraq yükdaşımaların və sərnişin daşımaların problemləri ekoloji problemlər də aiddir. Bunlardan başqa Xəzər dənizinin bir çox ekoloji problemləri vardır ki, onların da əsas səbəbi son zamanlar iqlimdə baş verən dəyişmələrdir. Sahil sularının son za-manlar sürətlə geri çəkilməsi, dənizin səviyyəsinin XXI əsrin sonuna qədər 9-18 m-ə qədər enə biləcəyi ilə bağlı real təhlükələr gözlənilir. Mütəxəssislər tərəfindən aparılan tədqiqatlarda qeyd edilir ki, Xəzər dənizinin səviyyəsi 2005-ci ildən etibarən 1.7 m azalmışdır. Eyni zamanda su səthinin sahəsi 31000 km-dən çox azalmışdır. Bu isə təbii ki, çox ciddi rəqəmdir. Dənizin hövzəsində müşahidə edilən iqlim dəyişmələri və qlobal istiləşmə gələcək üçün ciddi fəsadların əsas həyəcan siqnalları hesab edilməlidir. Gələcəkdə bu fəsadların qarşısının alınması, gözlənilən təhlükələrin, risklərin minimu-ma endirilməsi biz alimlərin, tədqiqatçıların üzərinə ciddi öhdəliklər qoyur. İqlimdə baş verən dəyişmələrin qlobal əhəmiyyəti bir daha sübut edir ki, problem ciddidir və qarşısı mütləq alınmalıdır.