Əsədov Vaqif. Azərbaycanın küp qəbirləri. Bakı, AFpoliqrAF, 2018.

Dərc olunan kitab ölkəmizin ərazisində uzun bir tarixi dövr ərzində (e.ə.VI-b.e.VIII əsrləri) əsas qəbir tiplərindən biri kimi mövcud olmuş küp qəbirlərinin Azərbaycanın tarixi-arxeoloji ədəbiyyatında kompleks şəkildə ümumiləşdirilmiş ilk tədqiqat işidir. Kitabda küp qəbirlərinin öyrənilmə tarixi, bu dəfn adətinin Azərbaycan ərazisində yayılma yolları və arealı, onların xronologiyası, müxtəlif mərhələlərdə küplərdə dəfn etmədə baş vermiş dəyişiklər və küp qəbirlərindən əldə olunmuş avadanlığın təhlili barədə məlumat verilir. Kitab Azərbaycan tarixinin antik və ilk orta əsrlər dövrünü tədqiq edən tarixçilər və arxeoloqlar üçün nəzərdə tutulmuşdur.