. Almanlar Cənubi Qafqazda - 200. Bakı, Mütərcim, 2017.

Alman-Azərbaycan əlaqələrinin tarixi kökləri təxminən XV əsrə təsadüf edir. XV-XVI əsrlərdə Azərbaycana səyyah, alim və elçi kimi səfər etmiş Ştilberq, Tektander, Olearus və Kempferin əsas məqsədlərindən biri də Şərq adət-ənənələrinə yaxından bələd olmaları idi. Azərbaycanın Şamaxı şəhərində fasilələrlə yaşamış A.Olearusun Azərbaycanla bağlı xatirələri, E.Kempferin Britaniya Muzeyində saxlanılan əlyazma və rəsmləri onların Azərbaycan tarixinə və mədəniyyətinə olan maraqlarını əks etdirir. Məhz bu səyahətlərin timsalında sonrakı dövrlərdə Azərbaycana səfər edən xarici qonaqlar yazılan xatirələrdən faydalanaraq, Uzaq Şərqin qapısını açmaq üçün mükəmməl bir bələdçi vasitəsi kimi istifadə etmişlər.