Esmira Fuad (Şükürova ). XX əsr Güney Azərbaycan epik şeiri. Monoqrafiya. Bakı, Elm və təhsil, 2016.

Monoqrafiyada bu vaxta qədər Güney və Quzey Azərbaycan ədəbiyyatşünaslığında az öyrənilən poema janrının inkişaf mərhələləri araşdırılır, bütövlükdə təşəkkül yolunun obyektiv mənzərəsi yaradılır, XX əsrdə Güney Azərbaycanda yaranan və poema janrının tələblərinə cavab verən əsərlər, orijinal poetik mətnlər, əlyazma nüsxələri tədqiqata cəlb edilir, ideya-məzmun xüsusiyyətləri, poemalarda poetika məsələləri çağdaş nəzəri-estetik meyarlara söykənərək qiymətləndirilir. Şairlərin klassik irsin ənənələrini XX əsrin yeni ictimai-siyasi, ədəbi və mədəni şəraitinə uyğun tərzdə davam etdirdiklərini elmi nöqteyi-nəzərdən əsaslandırmaqla poema janrının ədəbiyyat tarixindəki yeri düzgün təyin edilir və ədəbiyyatşünaslıqda bu sahədəki boşluğun müəyyən qədər doldurulmasına çalışılır. Monoqrafiyanın ali təhsil müəssisələrinin tələbələri, elm və sənət xadimləri, ədəbiyyatşünaslar və söz sənətinin sevdalıları üçün faydalı mötəbər bir mənbə olacağına əminik.