Qalibə Hacıyeva. Naxçıvan, Güney Azərbaycan və Şərqi Anadolu şivələrinin morfoloji xüsusiyyətləri. Naxçıvan, Əcəmi, 2017.

Dilin fonetik sistemindən başlayaraq sintaktik quru-luşuna qədər dil sisteminin ən qədim tarixi qatlarına en-mək və onun daxili inkişaf meyillərini üzə çıxarmaq imka-nına malik olan dialektologiyanın nəzəri əsaslarına daya-naraq müxtəlif coğrafiyalarda yaşayan türk xalqlarının qə-dim tarixi kökdən qaynaqlanan ortaq dil xüsusiyyətlərinin paralel müstəvidə müqayisəli tədqiqi Azərbaycan dilçili-yinin, eləcə də ümumtürkoloji dilçiliyin qarşısında duran aktual problemlərdəndir. Ümumtürkoloji müstəvidə aparı-lan tarixi-müqayisəli dialektoloji tədqiqatlarda alınan nəti-cələr yalnız Azərbaycan dilinin deyil, bütövlükdə türk dil-lərinin tarixi inkişaf problemlərinin həllində mühüm rol oynayır.