Təvəkkül Əliyev, Bəhlul İbrahimli, Gülanə Əliyeva. Qarabağda Nərgiztəpə abidələr kompleksi. Bakı, Elmin İnkişaf fondu, 2017.

Bu kitabça Azərbaycan Respublikasının Prezidenti yanında Elmin İnkişafı Fondu tərəfindən qrantların verilməsi üzrə 2013-cü ildə keçirilmiş beynəlxalq xarakterli 2-ci "ŞUŞA QRANTI" müsabiqəsinin (EIF/MQM-2- Shusha-2013-3-(9)) qalibi olmuş Dağlıq Qarabağda Nərgiztəpə arxeoloji abidələr kompleksi" adlı layihənin yerinə yetirilmə planı və mərhələlərinə uyğun olaraq nəşr olunur. Layihənin məqsədi bu kompleksə daxil olan yaşayış yerlərinin, qəbir abidələrinin, müdafiə və digər tikililərin mədəni-xronoloji çərçivəsini, Qarabağın digər sinxron abidələri arasında yerini, lokal xüsusiyyətlərini, daşıyıcılarının mənsubiyyətini, təsərrüfat hayatını, iqtisadi və mədəni əlaqələrini, dünyagörüşlərini araşdırmaqdır.Nərgiztəpədə aparılan ilkin tədqiqatlar təkcə Qarabağda deyil, həm də bütövlükdə Azərbaycanda qədim və orta əsrlərdə gedən etno-mədəni prosesləri, o cümlədən xalqımızın təşəkkül prosesini, mədəni irsdəki varisliyi izləməyə imkan verir.