Fəzayil Vəliyev, Gülzadə Abdulova. Qarabağ geyimləri (kataloq). Bakı, Elmin İnkişaf fondu, 2016.

Kitab-kataloqda ilk dəfə olaraq çöl-etnoqrafik materialları, arxiv sənədləri, muzey kolleksiyaları, ailə saxlanclarında qorunan foto-şəkillər əsasında XIX-XX əsrin əvvəllərində Azərbaycanın Qarabağ tarixi-etnoqrafik bölgəsi əhalisinin geyim mədəniyyəti, onun təsnifatı, məhəlli-lokal xüsusiyyətləri, əyani-vizual görüntüləri və tarixi-etnoqrafik tədqiqi, həmçinin dövrün sosial-siyasi və iqtisadi-mədəni hadisələrinin geyim mədəniyyətinə təsiri məsələləri öz əksini tapmışdır. Burada xalq geyimlərinin ayrılmaz tərkib hissəsi olan və geyimləri tamaımlayan bəzək elementləri (zərgərlik nümunələri, geyimə bənd edilən tikmə-hörınə bəzəklər və s.) də kataloqlaşdırılmış, onların elmi dəyəri müəyyən olunmuşdur. Kitab-kataloq etnoqrafiya və sənətşünaslıq elmi ilə məşğul olan alim və mütəxəssislər, tarixçilər, bu sahədə ixtisaslaşan magistr, dissertant və doktorantlar, habelə geniş oxucu kütləsi üçün nəzərdə tutulmuşdur.