Aynur Nəsirova, Xatirə Hüseynova. Radio jurnalistikası. Bakı, BDU Nəşr Evi, 2025.

İstənilən mövzunu görüntü olmadan yalnız səsin köməyilə təsvir etmək həm radionun çətinliklərindən, həm də avantajından xəbər verir. Dərslikdə radio jurnalistikanın qolu kimi araşdırılır. Radionun ifadə vasitələri, xəbər, musiqi, şou, informasiya və s. ilə yanaşı radiotexnika ilə tanışlıq, səsyazma, montaj, musiqi tərtibatı, redaktə də öyrədilir. Radioauditoriyanı anlamaq prinsipləri, dinləyici auditoriyasını cəlb etməyin yolları göstərilir. "Radiojurnalist hansı vərdişlərə yiyələnməlidir?" sualına cavab verilir. Müasir dövrün tələblərinə uyğun olaraq onlayn radioproqramın yaradılması və sayta yüklənməsi yolları göstərilir, praktik vərdişlər aşılanır. Dərsliyi mənimsəyən tələbə radionun mahiyyəti, ifadə vasitələrinin funksiyaları, radioda jurnalist işinin əsasları, dinləyici auditoriyası haqqında ətraflı təsəvvürə yiyələnir. Ona radioxəbər yazmağın incəlikləri, radioreportajın, xəbər bülletenlərinin hazırlanması, canlı efirdə işləməyin özəlliyi, montaj barədə vacib məlumatlar verilir. Dərslər mühazirələr, nəzəri və praktik seminarlar şəklində auditoriyadan kənar keçirilir.