Abdullayeva Gülçin, Əlizadə Ülkər. Süni intellekt və təsvirlərin tanınması. Bakı, Elm, 2026.

Kitab süni intellekt elminin nəzəri-metodoloji əsasları ilə onun praktik tətbiqlərinin inteqrasiyasına həsr olunmuşdur. Əsərdə süni intellekt (Sİ) anlayışının tarixi inkişafı, nəzəri istiqamətləri və müxtəlif tətbiq mərhələləri geniş şəkildə təhlil olunur. Kitabın mühüm hissəsi süni intellekt metodlarının tibbi diaqnostikada, xüsusilə ultrasəs müayinəsi təsvirlərinin emalı və analizi sahəsində tətbiqinə ayrılmışdır. USM təsvirlərində qeyri-müəyyən strukturların identifikasiyası və təsnifatı üçün avtomatlaşdırılmış intellektual sistemin işlənməsi nəzərdə tutulur. Məqsəd – diaqnostikanın obyektivliyini artırmaq, erkən mərhələdə potensial patologiyaların aşkarlanmasına və qərar qəbuletmə prosesini təmin etməkdir. Kitabda həm nəzəri, həm də tətbiqi hissələrin birləşdirilməsi nəticəsində oxucuya süni intellektin elmi əsaslarını, tarixi inkişaf yolunu və tibbi praktikada tətbiq imkanlarını əhatə edən kompleks yanaşma təqdim olunur. Əsər həm tələbələr, həm də tədqiqatçılar, eyni zamanda tibbi texnologiyaların inkişafı ilə maraqlanan mütəxəssislər üçün faydalı elmi vəsaitdir