Axundov Vəli. Kommunizm uğrunda mərd mübarizlər. Bakı, Azərbaycan Dövlət Nəşriyyatı, 1968.

Yoldaşlar! Xalqların tarixində elə hadisələr vardır ki, zaman keçdikcə unudulmur. Mübarizə və əmək ilə dolu olan illər, onilliklər ötür, bir-birini əvəz edir, amma bu hadisələrin əzəməti və əhəmiyyəti azalmır. Onlar yeni məzmunla zənginləşir, yeni çalarlar kəsb edir, zəhmətkeşlərin qəlbində çağırış kimi, igidlər haqqında mahnı kimi yaşayır; elə bir mahnı ki, Azərbaycanın xalq şairi Səməd Vurğunun sözləri ilə desək, könül candan ayrılmadığı kimi, o da heç bir zaman qəlblərdən ayrılmır. Belə hadisələrdən biri şanlı 26 Bakı komissarının qəhrəman həyatı və mərdanə ölümüdür