Dadaşova N.R., Əlimərdanov H.M.. Polioksometalatlar. Alınması, fiziki və katalitik xassələri. Bakı, Savad, 2026.

Monoqrafiyada polioksometalatların kimyası, onların sintezindən quruluşuna, xassələrindən katalitik funksionallığına qədər əsas müasir istiqamətləri sistemli şəkildə təqdim olunmuşdur. Bu birləşmələrin quruluş müxtəlifliyi və struktur–xassə əlaqələri kitabda aktual elmi yanaşmalar əsasında ətraflı şərh edilmiş, Brensted/Lyuis turşuluğu, redoks xüsusiyyətləri, stabillik və aktiv mərkəzlərin təbiəti kimi fiziki-kimyəvi parametrlərin katalitik davranışa təsiri ardıcıl şəkildə nəzərdən keçirilmişdir. Monoqrafiyada polioksometalatların alınma metodları, identifikasiyası üçün tətbiq olunan fiziki-kimyəvi tədqiqat üsulları, həmçinin, onların homogen və heterogen katalizdə istifadə imkanları ümumiləşdirilmiş, xüsusən hidrogen peroksid və molekulyar oksigen iştirakı ilə epoksidləşmə, spirtlərin, alifatik, alitsiklik və aromatik doymamış karbohidrogenlərin oksidləşdirici funksionallaşdırılması, turşu-kataliz prosesləri mexanizm və kinetik baxımdan araşdırılmışdır.