Akif Musayev. Vergilər haqqında etüdlər. Bakı, , 2013.

Azərbaycan MEA-nın müxbir üzvü, iqtisad elmləri doktoru, professor A.F.Musayev respublikamızda vergilərin iqtisadi problemlərinin həllində çox böyük fəaliyyət göstərmiş, əslində, bu sahədə elmi-tədqiqat istiqamətinin əsasını qoymuşdur. O, fiskal siyasət barədə elmi araşdırmaların təşkilatçısı, vergi sisteminin normativ-hüquqi bazasının yaradıcılarından biri olmaqla yanaşı, vergilər barədə çox qiymətli monoqrafiyaların, dərsliklərin və dərs vəsaitlərinin müəllifidir. Onun oxuculara təqdim edilən bu yeni kitabı vergilərin bəzi problemlərini elmi-kütləvi şəkildə işıqlandırmaq məqsədilə yazılmışdır.