Baxşıyeva Yeganə. Cənubi Qafqazda hidrotəhlükəsizlik siyasəti: Azərbaycan Respublikası timsalında. Bakı, Ocaq, 2026.

Azərbaycan, türk, ingilis və rus dillərində olan mənbə və ədəbiyyatlardan istifadə edilməklə yazılmış monoqrafiyada Cənubi Qafqaz regionunda hidrotəhlükəsizlik məsələləri və bu sahədə həyata keçirilən siyasət Azərbaycan Respublikası timsalında kompleks şəkildə təhlil edilmişdir. Əsərdə transsərhəd su ehtiyatlarının idarə olunması, su təhlükəsizliyinə təsir edən geosiyasi, ekoloji və sosial-iqtisadi amillər, eləcə də iqlim dəyişmələrinin regionun su balansına təsiri araşdırılır. Monoqrafiyada Azərbaycanın milli hidrotəhlükəsizlik strategiyası, beynəlxalq və regional əməkdaşlıq mexanizmləri, mövcud risklər və çağırışlar elmi-nəzəri və praktik baxımdan qiymətləndirilir. Tədqiqat nəticələri su ehtiyatlarının dayanıqlı idarə olunması, regional sabitliyin möhkəmləndirilməsi və milli təhlükəsizlik maraqlarının təmin edilməsi baxımından aktual elmi nəticələr və tövsiyələr təqdim edir. Kitab siyasətçilər, diplomatlar, politologiya, beynəlxalq münasibətlər, ekologiya və su resurslarının idarə olunması sahəsində tədqiqat aparan alimlər, mütəxəssislər, eləcə də müvafiq dövlət qurumlarının nümayəndələri üçün nəzərdə tutulmuşdur.