Kamandar Şərifli. Mətnşünaslıq (VII–XIX əsr yazılı abidələri əsasında). Bakı, Tural-Ə" Nəşriyyat-Poliqrafiya Mərkəzi, 2001.

Bu kitab qaynaqları keçmiş yüzilliklərin dərin qatları ilə bağlı olan çağdaş mətnşünaslıq elminin özülünü təşkil edən klassik mətnşünaslığın öyrənilməsinə həsr edilmişdir. Azərbaycan ədəbiyyatşünaslığında ilk dəfə olaraq bu tədqiqat işində mətnşünaslıq elminin qaynaqları və inkişaf mərhələləri, metod və prinsipləri kompleks şəkildə araşdırılmışdır. Aparılan tədqiqatların əsasını Azərbaycan MEA Əlyazmalar İnstitutunda və bir sıra başqa ölkələrin kitabxanalarında saxlanılan çoxsaylı türkdilli, ərəbdilli və farsdilli yazılı abidələr təşkil edir.