Rövşən Muradov. Azərbaycan Respublikasında məşğulluğun sosial demoqrafik problemləri. Bakı, , 2024.

Monoqrafiyada iqtisad elminin klassikləri A.Smit, D.Rikardo, A.Marşall, A.Piqu, C.Keyns, K.Marks və başqa dahi iqtisadçıların, habelə Qərb iqtisadçıları ilə yanaşı MDB məkanına daxil olan ölkələrin, o cümlədən Azərbaycanın iqtisadçı alimlərinin əsərlərində məşğulluq və işsizliklə bağlı nəzəriyyə, baxış və yanaşmalar təhlil edilib yeni şəraitin tələblərinə uyğun olaraq ümumiləşdirilmiş, müstəqillik illərində, xüsusilə də son 18 il ərzində (2003-2021-ci illərdə) Azərbaycan Respublikasında iqtisadi fəal əhalinin formalaşması mənbələri və ona təsir edən amillər təhlil edilib qiymətləndirilmiş; iqtisadi fəal əhalinin iqtisadi fəallıq, məşğulluq və işsizlik səviyyəsində və quruluşunda baş vermiş dəyişikliklər və onlara təsir edən amillər aşkara çıxarılıb qiymətləndirilmiş; Azərbaycan Respublikasının məşğulluq strategiyası kontekstində əhalinin səmərəli məşğulluğunun prioritet istiqamətləri müəyyənləşdirilmiş; yaxın və uzaq gələcəkdə əhalinin məşğulluq quruluşunun təkmilləşdirilməsi və səmərəli məşğulluğun təmin edilməsinin strateji və sosial-demoqrafik aspektlərinə dair elmi cəhətdən əsaslandırılmış təklif və tövsiyələr verilmişdir.