Lətifə Mirzəyeva. Cənubi Azərbaycan ədəbiyyatı araşdırma mərkəzi. Bakı, "NURLAR” Nəşriyyat-Poliqrafiya Mərkəzi, 2017.

Oxuculara təqdim edilən bu kitabda Cənubi Azərbaycan ədəbiyyatı şöbəsinin yarandığı ilk gündən (1976) keçən 40 il ərzində şöbənin fəaliyyəti barədə dolğun təsəvvür yaradılmışdır. Kitabın dəyəri yalnız bunda deyil, həm də şöbənin qısa zaman kəsiyində bir elm mərkəzinə çevrilməsində Cənubi Azərbaycan şifahi və yazılı ədəbiyyatının, ədəbi-tənqidi fikrinin ilk dəfə geniş miqyasda öyrənilməsini, nəşrini və təbliğini həyata keçirməsində, bu mövzuya ictimai maraq oyatmasında, həmçinin mütəfəkkir alim və yazıçı Mirzə İbrahimovun ədəbi məktəb yaratması barədə ilk dolğun məlumat verməsindədir. Cənubi Azərbaycan ədəbiyyatı ilə maraqlanan oxucular üçün qiy-mətli hədiyyə olan bu kitab milli ədəbiyyat tarixini öyrənən tədqiqatçı alimlərin mötəbər bələdçisi olacaqdır.