A.M.Bağırov. Moskvadakı Azərbaycan ədəbi-mədəni mühit fenomeni. Bakı, Elm və Təhsil, 2018.

Sovet va postsovet dövründə Moskvadakı Azərbaycan ədəbi mühitindən başqa heç bir milli respublika ədiblərinin yaratdığı mükəmməl ədəbi mühit olmamışdır. Elə təkcə bu səbəbdən dolayı, Moskvadakı Azərbaycan ədəbi-mədəni mühiti xüsusi milli fenomen kimi dəyərləndirilməli və öyrənilməlidir. Moskvalı azərbaycanlı ədiblərin yaradıcılığı bütövlükdə məzmun və formaca milli ənənə və mentalitetin daşıyıcıları kimi xarakterizə olunur, ideya-bədii parametrlərinə görə isə tamamilə ümumbəşəri dəyərləri təbliğ edən ədəbi nümunələrə uyğun gəlir.