Məmmədova S.C.. Üslubiyyat və nitq mədəniyyəti fənnindən proqram. Bakı, , 2022.

Ali məktəblərdə hər bir fənn nəzərdə tutulmuş tədris planlarına müəyyən məqsədlə daxil edilir. BSU-nun magistratura pilləsində "Azərbaycan dili" ixtisasında "Üslubiyyat və nitq mədəniyyəti" fənninin başlıca məqsədi tələbələrin dil haqqında biliyini genişləndirmək, ümumiləşdirmək və əməli vərdişlərini daha da gücləndirməkdir. "Üslubiyyat və nitq mədəniyyəti” fənnindən aparılan mühazirə və seminar məşğələlərində tələbələr elmi müşahidə aparmaq yollarına dərindən yiyələnir, müxtəlif funksional üslublar və onların xarakterik əlamətləri üzərində elmi müşahidə aparmaq yollarına daha dərindən yiyələnir, müxtəlif mətnləri üslubi baxımdan şərh etməyin üsullarını öyrənir və elmi axtarışlar əsasında seçib müəyyənləşdirdiyi dil faktlarını müstəqil təhlil edərək, elmi nəticələr çıxarmağı öyrənirlər. Proqram zəruri tələb nəticəsində meydana gəlmişdir. Tədris planında "Üslubiyyat və nitq mədəniyyəti" fənninə 45 saat ayrılmışdır. Təqdim edilən proqram magistratura pilləsində "Üslubiyyat və nitq mədəniyyəti" fənninin öyrənilməsində əsas sənəddir və fənni öyrənən tələbələrə kömək məqsədi ilə hazırlanmışdır.