. Muğam aləmi Beynəlxalq Elmi Simpoziumunun materialları. Bakı, Şərq-Qərb, 2009.

Biz hamımız doğma Azərbaycan muğamımızla haqlı olaraq fəxr edirik. O bizim üçün müqəddəs olan hər şeyin başlanğıcı, əzəli olmuş va olacaqdır. O bizim həyatımızın son dərəcə unikal bir məqamıdır, o bizim həyatımızda həmişəlikdir. Təsadüfi deyildir ki, Azərbaycanda belə bir deyim var: bizim uşaqlar "Segah" üstündə ağlaşır, "Şahnaz" üstündə gülüşürlər. Doğrudan da canımıza, ruhumuza hələ ana südü ilə birgə hopan əsrarəngiz muğam sədaları bizə kədərin və hiddətin, süstlüyün və çılğınlığın, dözümlüyün və etirazın, arzu-niyyət ehtirasının və niyyətdən əl çəkmə qətiyyətinin təhtəlşüuri qarışığını təlqin etmirmi?